ads

ads

Ivugangingo is a leading talents expressionist aims at converting and raising youth's talents into technological competency for betterment of Rwanda's Media....

Ntezimana Sebu wagizwe umuvugizi w' Imana y’u Rwanda yavuye I Burayi yakiranwa yombi

by Jack Murokore 28 0. 2019 @ivugangingo.com 440 Views


28012019032535yimikw-4fb10 sebu.png
ADVERTISEMENT


Ntezimana Sebu ni umuvugizi w’Imana y’u Rwanda akanaba umwe mu bategura icyo bise ‘umunsi wera w’umucyo’, mu minsi ishize yari yerekeje I Burayi ajyanywe no kuvuga no gusobanurira ababa mu mahanga ibijyanye n’Imana y’I Rwanda.

Nyuma yo gukubuka I Burayi mu butumwa yaganiriye n’umubavu.com maze asobanura ko icyari cyamujyanye cyagezweho ashingiye ku buryo yatunguwe no kubona uburyo abo yabwiraga babyakiriye.

Kwamamaza



Ati “byarantunguye nange ndebye uburyo babyakiraga, barabyumva cyane, babihaye n’agaciro cyane ku buryo nababwiraga uburyo twebwe nk’abanyarwanda dufite imisengere yacu mu Rwanda, nabakanguriye ko no mu bindi bihugu bakwiye kuba bakoresha gakondo zabo bambaza Imana z’iwabo aho gufata ibivuye mu bindi bihugu, barabyumvise neza ndetse baranabyakira numva biranejeje cyane”.

Ku bumva ko ngo hari Imana babwiwe n’abazungu b’abanyaburayi b’abamisiyoneri uyu muvugizi w’Imana y’I Rwanda yabibukije ko bakwiye kumenya ko umuco wabo ariwo ukwiye gufata umwanya wa mbere kurusha imico y’ahandi.

Ati “bakeneye kumenya ko umuco w’iwacu ariwo ufite agaciro kurusha imico y’ahandi bafata, imisengere dufite cyane iyi ibakikije siyo y’iwacu, siyo kamere y’iwacu y’abanyarwanda, Imana y’I Rwanda yahozeho ahubwo abazungu barebye uburyo imyemerere yacu ihamye tunayihagazeho barayijyana barayihindura aba ariyo bagarura ari nayo dufite ubu”.

Abajijwe niba abona bizamworohera kwemeza abo abwira dore ko bamaze gushyira mu mitwe yabo imyemerere ya kizungu, yavuze ko nta kibazo kirimo kuko ashingiye ku bo yaganiriye nabo babyumvaga cyane birenze uko nawe yabitekerezaga.

Yavuye i Burayi yemeranyijwe na bamwe ko ku itariki ya 7 Nyakanga uyu mwaka bazaza ari benshi muri gahunda yo kwifatanya na bo mu kugaragaza nyirizina ibi byose bavuga bijyanye n’Imana y’I Rwanda.

Uyu muvugizi w’Imana y’I Rwanda yari yagiye mu gihugu cy’u Bufaransa aho yananyuze mu Buholandi no muri Mauritius (muri Afurika). Ni ubutumwa uyu muvugizi yari amazemo ukwezi kose aganiran’abantu batandukanye ababwira Imana y’I Rwanda.

Bamwe mu baganiriye n’umubavu.com kandi na bo bagaragaje ko bashyigikiye Imana y’I Rwanda aho kuvuga izindi babwiwe n’abazungu.

Uyu yagize ati “jyewe ku bwange nkurikije Imana y’abazungu batuzaniye baje bafite ibibagenza ntabwo bari baje gusenga bityo jyewe nahisemo gukurikira Imana y’I Rwanda kuko ni Imana ishobora byose kuko icyo uyisabye cyose irakiguha”.

Yakomeje avuga ko ngo yasaba abanyarwanda bose gukurikiza umuco wabo bagasenga Imana yabo kuko ngo icyo bayisaba cyose yakibaha aho gusenga Imana y’Abaroma, y’Abanyamahanga,…

 PNG - 617.4 kb
Uyu ngo iyo asenga Imana y’i Rwanda agira ati "Mana y’i Rwanda aho gusenga ngo Mana ya Isirayeli, ya Isaka cyangwa ngo ya Yakobo"

JPEG - 270.5 kb
Mubaraka Edward uhagarariye abategura umunsi wera w’umucyo avuga ko Imana y’u Rwanda yahozeho Abanyarwanda bakwiye gusenga iyi Mana y’i Rwanda

Mubaraka Edward uhagarariye abategura umunsi wera w’umucyo aheruka gutangariza umubavu.com ko bahisemo kwimika umuvugizi w’Imana y’u Rwanda, kugira ngo ajye amenyekanisha ko n’u Rwanda rufite Imana kandi ikomeye ari nayo Imana yaremye ijuru n’Isi.

Aba bantu bategura umunsi wera w’umucyo bagizwe n’abasaga 250 abamaze gusaba ko bazahura bakaba bagera ku bihumbi 9500, ndetse bahura rimwe mu gihembwe, biteganyijwe ko uyu munsi uzajya uba ku itariki 7 Nyakanga buri mwaka, aho uzajya utangizwa n’igitambo cy’isengesho nk’ikimenyetso kigaragaza ko Imana ari yo isumba byose.

Ubwo himikwaga umuvugizi w’Imana y’i Rwanda kandi hanimitswe intuma 11 z’Imana muri 12 zari zateganyijwe zirimo n’abakobwa, zizajya zikwirakwiza iyo nkuru nziza y’uko u Rwanda rufite Imana nziza kandi iha abantu buri kimwe cyose bayisabye.

PNG - 763.3 kb
Sebu Ntezimana, umuvugizi w’Imana y’i Rwanda ubwo yimikwaga ku wa Gatandatu tariki ya 8 Ukuboza 2018

ADVERTISEMENT


Avatar

Authors get paid when people like you upvote their post.
If you enjoyed what you read here, create your account today and start earning FREE STEEM!

Facebook Comments


VIDEO




NEWS




TECHNOLOGY

BUSINESS

Ivugagingo Radio


FACEBOOK

YOUTUBE


Our main page @ivomero.com loves your style! We are looking for ladies just like you to feature this winter in our collection! Check out my link and lets chat about getting you featured

TWITTER

ADS
ads

Kwamamaza




POLITIC
SPORT
HACKING NEWS

PHP KIT
WEB DESIGN
UI/UX

Contact

Join Us

Links

×

Tickets

Need help?

CONTACT

Fan? Drop a note!

IVUGANGINGO.COM
Phone: +250786155024
Email: info@ivugangingo.com