ads

ads

Ivugangingo is a leading talents expressionist aims at converting and raising youth's talents into technological competency for betterment of Rwanda's Media....

KizitoMihigo yashyize hanze indirimbo yo geza amahoro - Yirebe hano

by Isaac Ishimwe 20 0. 2019 @ivugangingo.com 245 Views


200320190937013e0d8157-00d901e-c077c.jpg
ADVERTISEMENT


Umunyamuziki uri mu bafite inganzo yagutse mu Rwanda, Kizito Mihigo, yashyize ahagaragara indirimbo ye nshya yise “Vive le Pardon” yogeza imbabazi.

Kwamamaza


Iyi ndirimbo ni isezerano yasohoreye abakunzi b’ibihangano bye yari yijeje kugezaho indirimbo yanditse mu Gifaransa izajyana n’Umunsi Mpuzamahanga w’abavuga uru rurimi wizihijwe kuri uyu wa 20 Werurwe 2019.

“Vive le Pardon” bishatse kuvuga mu Kinyarwanda ngo “Harakabaho imbabazi”, ni indirimbo yasohokanye n’amashusho yayo.

Yifitemo ubutumwa buva imuzi ubwiza bw’imbabazi agereranya n’imbaraga zituruka ku Mana zigatuma abantu bagira amahoro mu mitima, mu miryango, igihugu n’Isi yose.

Uyu muhanzi ari mu Banyarwanda bake baririmba indirimbo ziri mu Gifaransa. Yaherukaga guhimba iyitwa ‘‘Mon frère Congolais’’, ‘‘Arc en ciel’’ na ‘‘Miséricorde’’ yasohoye mbere yo gufungwa.

Mu gitero cya mbere, Kizito yungikanyije amagambo agira ati “Imbabazi ni igihamya cy’urukundo, imbabazi, za mbaraga zituruka mu ijuru, ziduha ubushobozi n’ubushishozi, zikaduha ubwisanzure n’umunezero, zigahinduka inzira igana amahoro.”

Inyikirizo ya “Vive le Pardon”igira iti “Kubabarira si ukwibagirwa amateka yacu, kubabarira ni ukurenga kamere yacu, ni ugukunda muntu uko ari, kandi tuzi neza ko ari umunyantege nke n’umunyabyaha. Harakabaho imbabazi mu mitima yacu no mu gihugu cyacu, muri Afurika no ku Isi yose, harakabaho imbabazi.”

Iyi ndirimbo y’iminota ine n’amasegonda 59, amajwi yayo yatunganyijwe na Producer Pastor P mu nzu ya “Urban Records”, naho amashusho akorwaho na Producer Faith Fefe.

Igitero cyayo cya kabiri kivuga ko “Imbabazi ntizirwanya ukuri ahubwo ziragukenera. Iyo urukundo rushakanye n’ubutabera, havuka amahoro, maze n’ubwiyunge bugashoboka.”


Indirimbo isozwa mu gice gishimangira ko imbabazi ari umuti ndetse zikaba impumuro nziza mu bantu.


Kizito Mihigo yakoze mu nganzo ashimangira ibyiza byo gutanga imbabazi
Mu gice cya gatatu, umuhanzi agira ati “Imbabazi ni umuti uturuka ku Mana tukagira amahoro mu mitima yacu no mu miryango yacu. Isi nihobere iyo mpumuro ituruka ku Mana nzima, impumuro izana amahoro mu bantu”.

Kizito yongeye gukora mu nganzo yifashishije ururimi rw’amahanga mu ndirimbo ikomoza ku mbabazi mu gihe na we yazihawe na Perezida Kagame.

Uyu muhanzi wari umaze imyaka ine n’igice afunze yasohotse muri Gereza ya Nyarugenge iri i Mageragere ku wa 15 Nzeri 2018.

Urukiko Rukuru rwari rwamukatiye imyaka 10 ku wa 27 Gashyantare 2015, rumuhamije ibyaha bine birimo icyo kurema umutwe w’abagizi ba nabi, icy’ubugambanyi bwo kugirira nabi ubutegetsi buriho cyangwa umukuru w’igihugu, ubwoshye bw’ubugambanyi bwo kugirira nabi umukuru w’igihugu ndetse n’icyo gucura umugambi w’ubwicanyi.

Umunsi Mpuzamahanga w’Ururimi rw’Igifaransa urizihizwa ku nshuro ya 31, watangiye kwizihizwa mu 1988.

Ni ibirori bya mbere bisanze intebe y’Ubunyamabanga Bukuru bw’Umuryango Mpuzamahanga w’Ibihugu bikoresha Ururimi rw’Igifaransa (OIF) yicayeho Umunyarwandakazi Louise Mushikiwabo watowe ahigitse Umunya-Canada, Michaëlle Jean.



ADVERTISEMENT


Avatar

Authors get paid when people like you upvote their post.
If you enjoyed what you read here, create your account today and start earning FREE STEEM!

Facebook Comments


VIDEO




NEWS




TECHNOLOGY

BUSINESS

Ivugagingo Radio


FACEBOOK

YOUTUBE


Our main page @ivomero.com loves your style! We are looking for ladies just like you to feature this winter in our collection! Check out my link and lets chat about getting you featured

TWITTER

ADS
ads

Kwamamaza




POLITIC
SPORT
HACKING NEWS

PHP KIT
WEB DESIGN
UI/UX

Contact

Join Us

Links

×

Tickets

Need help?

CONTACT

Fan? Drop a note!

IVUGANGINGO.COM
Phone: +250786155024
Email: info@ivugangingo.com