ads

ads

Ivugangingo is a leading talents expressionist aims at converting and raising youth's talents into technological competency for betterment of Rwanda's Media....

Gatsata: Pasiteri utanga inzaratsi zo gushyira mu myanya y’ibanga arigusabirwa kwirukanwa.

by Jack Murokore 13 0. 2019 @ivugangingo.com 139 Views


13082019024255data=Szh6POvw9kvZQ8twKcxqQ-96sox3UD75b_M6cu2AmUjChlASJYEKzkQYI8TCww3wr9IIoHkMLvSszVFd54Jhnw4DYM0aOxXqwg8Gj0I0Nuiq02yYX8wBNzMsZpkPLPU0xBa7ZW6ZlS_ubBRPVN8vpVCUUVpHxS6EHgcgWgKLPFvtjJGLodO6tdx_LquA_XeTq0gJTE.png
ADVERTISEMENT


Mu kagari ka Nyamugari, Umurenge wa Gatsata, Akarere ka Gasabo, haravugwa umugabo witwa Buhungu Abel, wiyita Pasiteri akarya imitungo y’abaturage ababwira ko abaha inzaratsi zirimo n’izo bashyira mu myanya ndangabitsina.

Kwamamaza


Abatuye muri aka gace babwiye IGIHE ko uyu mugabo Buhungu Abel, hari abantu benshi aha imiti ngo irabavura bakamuha amafaranga ariko bikarangiran ntacyo ibamariye.

Bavuga ko yiyita umupasiteri ariko bagatanganzwa n’uburyo aha abantu inzaratsi zirimo izo kugira ngo barusheho gukundwa cyane n’abo bashakanye n’izindi ndetse akavga ko abatabyara abafasha kubona urubyaro.

Bemeza ko kimwe mu byabatunguye ari uburyo mu nzaratsi uyu mupasiteri atanga harimo n’izo aha abagore ngo bashyire mu myanya ndangagitsina cyabo n’iyo basiga ku gitsina cy’abagabo babo.

Nyirabagenzi Thacienne we avuga ko umugore w’uyu mugabo wiyita umupasiteri hari amazi yamuzaniye amubwira ngo ajye ayiyuhagira kuko bizatuma umugabo we azinukwa abandi bagore.

Yagize ati “Yarambwiye ngo urabopna iki gicupa cy’umuti nazanye, uracyiyuhagira undi uwunywe maze undi muti uwunyanyagize ku buriri undi uwunyanyagize mu mbuga ngo kugira ngo umugabo mwabyaranye kuko tutabana ankunde azabe ari njye gusa yifuza.”

Akomeza agira ati “Arangije ahita ambwira ngo hari undi muti nzaguha urimo ubuki uzajya usiga ku gitsina mu gihe cyo gukora imibonano mpuzabitsina igihe yagusuye ku buryo nta wundi mugore azifuza na mukeba wawe azahita amuhurwa burundu. Kuko nari ndangije amasengesho y’iminsi itanu uwo muti nahise njya kuwumena mu bwiherero.”

Kayitesi Josiane we yagize ati “Ntabwo ari umupasiteri ahubwo ni umutubuzi w’umupfumu kubera ko aragenda umugore akamujya inyuma bakagenda babwira abantu ngo bafite inyatsi, muri uko kubabwira gutyo araza akabasengera akanabaha imiti ku buryo hari n’uwitwa Muhawe yahaye umuti azasiga ku gisina cy’umugabo we no kugitsina cye.”

Yongeyeho ko kugira ngo bamenye ko uyu mugabo ari umupfumu byatewe n’uko hari abantu baje kumwishyuza amafaranga yabo nyuma yo kubaha imiti abizeza ko iri bubafashe bikarangira ntacyo ibamariye.

Undi yagize ati “Nanjye yampaye umuti ngo wo gutuma umwana wanjye azana akabiri akareka kugwingira ariko nyuma naje kubona ko abeshya muvaho nyuma yo kumva ko hari n’abandi bagore yahaye inzaratsi zo gushyira mu gitsina ntizigire icyo zitanga.”

Pasiteri Buhungu yabiteye utwatsi

Mu kiganiro na IGIHE, Pasiteri Buhungu Abel yahakanye ibyo ashinjwa byo gutanga inzaratsi ashimangira ko ababivuga nta kindi bagamije uretse kumusebya kubera ibibazo bafitanye.

Yagize ati “Reka biriya ni bintu bakoze byo kubeshya kugira ngo badusebye kuko hari umuntu wahamagaye uriya munyamakuru twagiranye ibibazo abana be baza kunyiba baranankubita Leta ibafunze bahita bashakisha ibintu byo kunsebya kuko bazi ko ngenda ntanga inyigisho zitandukanye, ni abantu babi cyane bifuza kunsebya.”

Umunyamabanga Nshingwabikorwa w’Umurenge wa Gatsata, Iyamuremye Francois, yemeza ko amakuru yayumvise ariko agashishikariza abaturage kwirinda imyumvire imeze ityo kuko nta muti w’amahirwe cyangwa wo kubanisha abantu ubaho.

Yagize ati “Icyo nifuza ni ugukangurira abaturage bakava muri ubwo bujiji bw’abantu babajijisha bakababwira ngo bafite umuti w’amahirwe, nta muti w’amahirwe n’umuti wo kubanisha abantu ubaho.”

Avuga ko icy’ingenzi ari uko abaturage bareka iyo myumvire yo kumva ko hari umuntu wabaha imiti nk’iyo y’ikinyoma kubera ko ahanini nta n’igisubizo bayibonamo.



SRC:IGIHE

ADVERTISEMENT


Avatar

Authors get paid when people like you upvote their post.
If you enjoyed what you read here, create your account today and start earning FREE STEEM!

Facebook Comments


VIDEO




NEWS




TECHNOLOGY

BUSINESS

Ivugagingo Radio


FACEBOOK

YOUTUBE


Our main page @ivomero.com loves your style! We are looking for ladies just like you to feature this winter in our collection! Check out my link and lets chat about getting you featured

TWITTER

ADS
ads

Kwamamaza




POLITIC
SPORT
HACKING NEWS

PHP KIT
WEB DESIGN
UI/UX

Contact

Join Us

Links

×

Tickets

Need help?

CONTACT

Fan? Drop a note!

IVUGANGINGO.COM
Phone: +250786155024
Email: info@ivugangingo.com